Моуриньо: “Реал”дан шу ўйинчини йўқотинг

Таниқли мутахассис Жозе Моуриньо тез орада “Реал Мадрид” жамоаси бош мураббийига айланиши кутиляпти.

Португалиялик мутахассис аллақачон келаси мавсум учун таркибни режалаштирмоқда ва айрим футболчилар унинг режаларига кирмайди.

Transfer News Live ва El Nacional каби манбаларнинг хабар беришича, Моуриньо “Қироллик клуби” мутасаддиларидан марказий ҳимоячи Эдер Милитаони сотишни талаб қилмоқда.

Бунинг сабаби футболчининг доимий жароҳат муаммоларидир. Миш-мишларга кўра, 28 ёшли бразилияликка ПСЖ қизиқиш билдирмоқда.

Бироқ Париж клуби мадридликларнинг футболчи учун талаб қилаётган суммасини тўлашга тайёр эмас.

Жозе Моуриньо 7 июнь куни бўлиб ўтадиган президентлик сайловида Флорентино Перес ғалаба қозонса, катта эҳтимол билан “Реал Мадрид” бош мураббийига айланади.