Моуриньо “Реал”га “Бенфика”даги шогирдини чақирди

Мадриднинг “Реал” клуби бош мураббийи Жозе Моуриньо “Бенфика” марказий ҳимоячиси Томаш Араужуни жамоанинг трансфер рўйхатига киритди. Бу ҳақда журналист Рамон Альварес де Мон X ижтимоий тармоғидаги саҳифасида маълум қилди.

Манбага кўра, ҳозирча “Қироллик клуби” 24 ёшли футболчини сотиб олиш учун амалий қадам ташламаган.

Жозе Моуриньо Мадрид жамоаси бошқарувини қўлга олганидан кейин таркибни ўзига мослаштиришга ҳаракат қилмоқда.

Ўтган мавсумда Араужу барча мусобақаларда 39 та ўйинда иштирок этиб, 1 та гол ва 2 та голли узатма амалга оширди. Унинг “Бенфика” билан шартномаси 2029 йил ёзигача амал қилади. Transfermarkt маълумотига кўра, футболчининг бозор қиймати 30 миллион еврони ташкил қилади.