Моуриньо “Реал”га олиб келмоқчи бўлган футболчилар рўйхати эълон қилинди

"Реал Мадрид"га тайинланишга яқин қолган мураббий Жозе Моуриньо жамоада кўришни истаган футболчилар рўйхатини тузди. "Қаймоқранглилар" президенти Флорентино Перес аввалроқ трансферини эълон қилган ҳимоячилар Иброҳим Конате ва Дензел Думфрисдан ташқари, Моуриньонинг қисқа рўйхатига яна уч нафар футболчи киритилган. Бу ҳақда журналист Рамон Альварес де Мон Х ижтимоий тармоғидаги саҳифасида хабар берди.

Манба маълумотига кўра, португалиялик мутахассис "Реал"да "Арсенал" ҳимоячиси Риккардо Калафьори, "Манчестер Сити"нинг собиқ ярим ҳимоячиси Бернарду Силва ва "Вест Хэм"дан Матеуш Фернандешни ҳам кўришни истайди.

Аввалроқ Моуриньонинг тайинланиши Перес президентлик сайловларида ғалаба қозонган тақдирда эълон қилиниши хабар қилинганди.