Mourino "Roma"da Edin Jekoning o‘rnini egallaydigan hujumchi topdi

“Nyukasl” hujumchisi Allan Sent-Maksimen faoliyatini Italiya A Seriyasida davom ettirishi mumkin. Bu haqda Football-Italia nashri xabar tarqatmoqda.

Yuqoridagi manbaga ko‘ra, 24 yoshli frantsiyalik futbolchiga shaxsan “Roma”ning yangi bosh murabbiyi Joze Mourino jiddiy qiziqib qolgan va uni o‘z jamoasida ko‘rmoqchi. Portugaliyalik mutaxassisning fikricha, Sent-Maksimen “Roma”da yoshi o‘tib qolgan Edin Jekoning o‘rnini egallashi mumkin.

Allan joriy mavsum “Nyukasl” safida jami 24 ta o‘yinda maydonga tushdi. U ushbu uchrashuvlarda o‘z hisobiga 3 ta gol hamda 5 ta golli uzatma yozdirib qo‘ydi.

 Sent-Maksimenning “qarg‘alar” bilan amaldagi shartnomasi 2026 yilga qadar imzolangan.