Моуриньо “Рома”га яна бир ҳужумкор футболчини олиб келмоқчи

Римнинг "Рома" клуби бош мураббийи Жозе Моуриньо "Кристал Пэлас" ҳужумкор ярим ҳимоячиси Вильфрид Захани “бўрилар” сафида кўришни истамоқда, деб хабар беради “GOAL” нашри .

Манбага кўра, италияликлар Захани сотиб олиш учун бир нечта ўйинчилардан воз кечиши керак бўлади. Аммо айнан қайси футболчилар эканлиги номаълумлигича қолмоқда.

Аввалроқ, 29 ёшли Вильфриднинг агенти "Рома" раҳбариятибилан музокара олиб боргани ҳақида хабарлар тарқалган эди.

Футболчининг "Кристал Пэлас" билан амалдаги шартномаси 2023 йилнинг ёзига қадар амал қилади. “Transfermarkt” портали ивуарлик  ярим ҳимоячининг нархини 38 миллион еврога баҳоламоқда.

Заха ўтган мавсумда “Пэлас”нинг барча мусобақалар доирасидаги 37 та учрашувида майдонга тушиб, ўз ҳисобига 15 та гол ва 2 та голли узатмани ёздириб қўйган.