Моуриньо шогирди Холанд эмас, Мбаппени танлади

Жозе Моуриньо қўл остида “Интер” сафида 2010 йили Чемпионлар лигаси ғолиби бўлган Диего Милито ўзига Эрлиг Холандга қараганда Килиан Мбаппенинг ўйини маъқул келишини маълум қилди.

- Менга ҳар доим ўзлари голли вазият ярата оладиган футболчилар ёққан. Холанд феномен, лекин унга ҳар доим жамоадошларининг ёрдами керак.

Мбаппе ўзи йўқ жойдан ўзига голли вазият ярата олади. Бундан ташқари, жамоадошларига голли пас узатади, - деди аргентиналик футбол юлдузи.

Эслатиб ўтамиз, 2010 йили Европа Чемпионлар лигаси финалида Диего Милито “Бавария” дарвозасига иккита тўп киритиб, жамоасига бош совринни тақдим этган эди.