Моуриньо: Сизларга ҳақиқатни айтмайман!

“Рома” бош мураббийи Жозе Моуриньо ПСЖга ўтиши ҳақидаги хабарлар тасдиқлашдан ҳам, уларни инкор этишдан ҳам бош тортди.

- Мен ўз келажагимни дўстларим, яқинларим ва журналистлар билан муҳокама қилмайман. Агар бир неча ой олдин клубимиз бош директори Берарди менинг жамоада қолишимга амин эканини таъкидлаган бўлса, бу унинг талқини.

Агар бу борада бирорта журналист нималардир деган бўлса, бу унинг фикри холос. Чунки мен келажагим борасида ҳеч ким билан гаплашганим йўқ.

Вазият аниқ – яна бир йиллик шартномам бор. Ҳаммаси яхши ва жойида. Мен учун кейинги ўйин энг муҳим нарса, - деди Жозе Моуриньо.