Моуриньони бизга беринг, қанча бадал бўлса, тўлаймиз!

“Реал” келаси ҳафта бош мураббий Жозе Моуриньо учун 15 миллион евро миқдоридаги товон пулини тўлаш нияти ҳақида “Бенфика”ни хабардор қилди.

Бу ҳақда Record нашри хабар берди.

Таъкидланишича, томонлар аввалроқ португалиялик мутахассиснинг ўтиши бўйича келишувга эришган ва Мадрид клуби 7 миллион евро тўлашга тайёр бўлган.

Бироқ июнь ойидан бошлаб шартномадаги товон пули миқдори 15 миллион еврога ошган, тўловнинг кечикиши эса “Реал”даги президентлик сайловлари билан изоҳланди.

Клуб президенти Флорентино Перес жонли эфирда қайта сайланганидан кейинги илк трансферлар Жозе Моуриньо ва “Ливерпуль” ҳимоячиси Иброҳим Конате бўлишини маълум қилди.