Моуриньога "Интер"га қарши ўйин ёқмади

«Реал» бош мураббийи Жозе Моуриньо Чемпионлар лигасида «Интер» устидан 2:1 ҳисобида қозонилган ғалабадан сўнг матбуот анжуманида ўйин ҳақида фикр билдирди.

«Хулоса қиладиган бўлсак, бу баҳс 6:6 ёки шунга яқин ҳисоб билан тугаши ҳам мумкин эди. Бизда яна кўпроқ гол уриш учун етарли имкониятлар бўлди. Ўйин мутлақо жиноналарча кечди, бу эса менга ёқмайди. Менга 5-6-7 та гол уриб, бир вақтнинг ўзида майдондаги вазиятни тўлиқ назорат қилиш, дарвозабоннинг мўъжизавий сейвларига қарам бўлмаслик кўпроқ маъқул», – деди мураббий.

Моуриньо Трентнинг майдон марказидаги ҳаракатларини алоҳида қайд этди.

«Мен Трентга ярим ҳимояда қилган меҳнати учун миннатдорман, гарчи унинг хусусиятлари бу позиция учун идеал мос тушмаса ҳам. Биз жамоавий зичликни сақлаб турган пайтларимизда ҳаммаси яхши эди. Вальверде эса тактик тузилмани жуда яхши ҳис қилди», – дея таъкидлади у.

Португалиялик мутахассис рақибнинг салоҳиятини ҳам эътироф этди.

«Биз жуда кучли жамоага қарши ўйнадик, уларда турли тактик ечимлар бор эди. Ўйин оғир ўтди, аммо жуда муҳим уч очко қўлга киритдик. Энди плей-оффга чиқиш учун яна уч очкога камроқ керак бўлади. Бу вазифани бажара олишимизга ишонаман. Мусобақани уч очко билан бошлаш жуда муҳим эди», – дея Моуриньонинг сўзларини AS нашри келтиради.

Чемпионлар лигасининг иккинчи турида «Реал» сафарда «Рома» жамоасига қарши майдонга тушади.