Muaytay: Muhammadayub Ro‘zimuhammedov jahon chempioni!

Xabar berib o‘tganimizdek, Tailandning Bangkok shahrida o‘smir-yoshlar va kattalar o‘rtasida 18-jahon chempionati tashkil etildi.

Albatta, O‘zbekiston terma jamoasi ham muvaffaqiyatli ishtirok etib, shoda-shoda medallarni qo‘lga kiritdilar. Bugungi kun dasturidan o‘rin olgan janglarda o‘smirlar o‘rtasida 24 kgda yurtimiz sharafini himoya qilgan, Muhammadayub Ro‘zimuhammedov finalda Falastin sharafini himoya qilgan asli frantsiyalik Luis Rappni mag‘lub etib, jahon chempioni degan nomga sazovor bo‘ldi va delegatsiyamiz tarkibiga yana bir yuqori probali medalni qo‘shib qo‘ydi.