Muhamad Salohning qancha pul topayotgani oshkor bo‘ldi

“Liverpul” hujumchisi Muhammad Salohning yuristi Rami Abbos misrlik o‘yinchining daromadlari haqidagi ma’lumotlarni oshkor qildi.

Muhammad Saloh 2022 yili liverpulliklar bilan yangi shartnoma imzolagan edi. Unga ko‘ra, bitim 2025 yilning yozigacha amal qiladi.

- Biz Muhammad Salohning klub bilan shartnomasi va mediahuquqlardan oladigan umumiy yillik summasi 54-62 million evro atrofida bo‘lishini kutyapmiz, - dedi Rami Abbos.

32 yoshli hujumchiga ayni paytda Saudiya Arabistonining “Al-Ittihod” jamoasi jiddiy qiziqish bildirmoqda. Saudiyaliklar Muhammad Salohni liganing eng katta maosh oladigan o‘yinchisi qilishga tayyor.