Муҳаммад Салоҳ мисли кўрилмаган таклиф олди

“Ал-Иттиҳод” раҳбарияти “Ливерпуль” мутасаддиларини Муҳаммад Салоҳни қўйиб юбориши учун пулни аямаслигини кўрсатмоқда.

Саудияликлар 7 сентябрь куни трансфер ойнаси ёпилишини инобатга олиб, навбатдаги таклифни юборди. Олдинроқ, “Ал-Иттиҳод” вакиллари 200 миллион фунт ваъда қилганди. Бунга ҳам рад жавоби берилгач, янги таклиф келди.

Энди араблар мисрлик форвард учун 215 миллион фунт, яъни 252 миллион евро бадал пули таклиф қиляпти.

Жаҳон футболида ҳали  бирорта ўйинчи бу суммага трансфер қилинмаган. Агар “Ливерпуль” таклифни қабул қилса, Муҳаммад Салоҳ энг қиммат трансфер соҳибига айланади.

Амалдаги рекорд Неймарга тегишли бўлиб, бразилиялик ўйинчи учун ПСЖ 2017 йили “Барселона”га 222 миллион евро тўлаган эди.