Muhammad Saloh o‘zgaryapti

“Arsenal” afsonasi Terri Anri “Liverpul” to‘purari Muhammad Saloh haqida fikr bildirdi. Misrlik futbolchi joriy mavsumda 20 ta gol urdi, biroq “Oltin to‘p” sovrini uchun kurashda ettinchi o‘rin bilan kifoyalandi.

Anri Saloh yuqori sport formasini uzoq muddat saqlab qolishi kerakligini ta’kidladi. Uning aytishicha, Muhammadning o‘yin uslubi o‘zgaryapti. Avval faqat o‘zi gol urishga intilgan o‘yinchi endi jamoadoshlariga qulay vaziyat yaratib berishga ham e’tibor qarata boshladi.

- Hozirning o‘zida Muhammad Saloh dahshatli hujumchidir. U dunyoning eng zo‘r o‘yinchisi bo‘lish uchun to‘g‘ri yo‘ldan ketayotganiga aminman. U atrofidagi jamoadoshlarini ham yaxshi ijrochilarga aylantirishi kerakligini endi tushunib etdi, - dedi Terri Anri.