Muҳammad Saloҳ qaerda o‘ynashini qachon va qanday hal qiladi?

Misr terma jamoasi hujumchisi Muhammad Saloҳ o‘z kelajagi borasida hozircha yakuniy qaror qabul qilmagan. ESPN ma’lumotiga ko‘ra, Saudiya Arabistoni klublari uni qo‘lga kiritish uchun asosiy da’vogar hisoblanmoqda.

Manbaning yozishicha, 34 yoshli futbolchi faoliyatini qaerda davom ettirish bo‘yicha bir nechta variantni ko‘rib chiqmoqda, ammo Misr terma jamoasining jahon chempionatidagi ishtiroki yakunlangan bo‘lsa ham, hali hech qanday qaror qabul qilmadi.

Saloҳga Yevropa va AQSh klublari ham qiziqish bildirmoqda. Xususan, Italiyanning “Inter”, “Roma” va “Yuventus” klublari uni o‘z safida ko‘rishni istamoqda. Shuningdek, Turkiyaning “Galatasaroy” va “Fenerbahçe” jamoalari hamda MLS klublari vaziyatni kuzatib bormoqda.

Manbada qayd etilishicha, “Chelsi” ham Saloҳni ortga qaytarish ehtimolini nazariy jihatdan ko‘rib chiqishi mumkin, ammo bunday transferning amalga oshish ehtimoli juda past deb baholanmoqda.