Муҳаммад Салоҳга суперклуб оғиз солмоқда

Муҳаммад Салоҳ ҳали “Ливерпуль” билан амалдаги шартномасини узайтиргани йўқ. Гол уриш бўйича “Ливерпуль” рекордларини бирма-бир ўзиники қилаётган мисрлик футболчи ёзда Испания чемпионатига кўчиб ўтиши мумкин.

Салоҳнинг ливерпулликлар билан амалдаги шартномаси 2023 йилнинг ёзигача давом этади. Шу боис, “Барселона” келаси ёзда уни трансфер қилишга уриниб кўради.

Тўрт йилдан бери Англия премьер-лигасида тўп тепаётган футболчи анчадан бер Испания чемпионатига ўтишни орзу қилмоқда. Салоҳ Юрген Клопп қўл остида Англия чемпионлиги ва Европа Чемпионлар лигаси бош соврини соҳиби бўлди.

Мисрлик ҳужумчи “Ливерпуль”га  2017 йили “Рома”дан кўчиб ўтган эди. Ўшанда унинг трансфери 42 миллион еврога амалга оширилган.

Матнда хатолик топсангиз, ўша хатони белгилаб, бизга жўнатинг (Ctrl + Enter)

Комментарии

Для написания комментариев пройдите авторизацию