Мундиалдаги ҳужумчи Манчестер суперклуби нишонига тушди

«Кристал Пэлас» ҳужумчиси Исмаила Сарр 2026 йилги жаҳон чемпионатидаги ўйнинлари билан «Манчестер Юнайтед» скаутлари эътиборини тортди. Бу ҳақда TEAMtalk нашри хабар бермоқда.

Манбанинг маълум қилишича, манчестерликлар Саррга жиддий қизиқиб қолган. Клуб ҳужум чизиғини кучайтириш учун бир неча позицияда ўйнай оладиган универсал футболчи излаётгани айтилмоқда. Сарр эса ҳужумдаги деярли барча вазифаларни бажара олади.

Шунингдек, 28 ёшли сенегаллик футболчининг жаҳон чемпионатидаги ўйини ҳам «Манчестер Юнайтед» раҳбариятига катта таассурот қолдирган. Мундиалда Сенегал терма жамоаси сафида у 4 та ўйин ўтказиб, 4 та гол урди ва 1 та голли пас муаллифи бўлди.