Мураббий тиш пастаси туфайли бир ўйинни ўтказиб юборади

"Аугсбург" бош мураббийи Хайко Херрлих карантин қоидасини бузди ва шу боис, 16 май куни жамоасининг "Вольфбург"га қарши кечадиган учрашувини майдон четида кузата олмайдиган бўлди.

Херрлих тиш пастаси ва қўл учун махсус крем сотиб олиш мақсадида меҳмонхонани тарк этиб, дўконга чиққан эди.

"Мен меҳмонхонадан чиқиб хато қилдим. Меҳмонхонадан чиқишда барча гигиена чораларига риоя қилган бўлсам-да, бу вазиятни тўғрилай олмайман", - деди 48 ёшли мутахассис.

"У яқин бир неча кун ичида коронавирус учун тест топширади. Кетма-кет иккита манфий натижа чиққан тақдирдагина у "Аугсбург" билан машғулотларни давом эттира олади", - дея хабар бермоқда клубнинг "Twitter"даги расмий саҳифаси.

Матнда хатолик топсангиз, ўша хатони белгилаб, бизга жўнатинг (Ctrl + Enter)