Murod Aliev: Sardor Rashidov "Bunyodkor"dan chiqqanini unutmasligi kerak

Bugun Toshkentning "Bunyodkor" klubi jamoa safiga yangi kelgan futbolchilarning taqdimot marosimini o‘tkazdi. Marosim avvalida, so‘zga klub bosh direktori Murod Aliev so‘zga chiqdi va futbolchilarning sadoqatli bo‘lishlari kerak ekanligini ta’kidladi.

"Futbolchilar - fidoyi bo‘lishi kerak. Sardor Rashidov bizdan chiqqanini unutmasligi kerak. Shunaqa og‘ir pallada u klubga yordam berish borasida o‘ylasa, yaxshi bo‘lardi. Lekin bunday bo‘lmadi. Men xohlardimki futbolchilar fidoyi bo‘lib, sadoqatli bo‘lishsin. Agar, o‘yinchilarda shu hislat bo‘lsa yaxshi bo‘ladi", - deb aytib o‘tdi Aliev.