Мурод Бобожонов нормативдан ўта олмагани учун биринчи турни ўтказиб юборади
Қишки йиғин чоғида "Нефтчи" сафига қайтган хоразмлик ҳужумчи Муродбек Бобожонов "Насаф"га қарши баҳсни ўтказиб юборади. Бу ҳақда клуб матбуот хизмати хабар бермоқда.
Ўтган мавсумда "Локо" сафида тўп сурган Бобожонов тошкентликларнинг йиғинида жароҳат олганди ва саломатлиги ҳали тўлиқ тикланмасдан "Нефтчи"нинг Тошкентдаги йиғинига қўшилди. Футболчи жамоанинг нафақат Тошкентдаги балки чемпионат стартига қадар бўлиб ўтган барча машғулотларида тўлиқ иштирок этмади. Шу сабаб ўйинчи мавсумнинг илк турини ўтказиб юборади. Ўйинчида жароҳат борлиги учун унинг норматив тестлари муваффақиятли натижа бермаган. Мурод Бобожонов жароҳатдан тиклангач норматив тестларни қайтадан топширади
Матнда хатолик топсангиз, ўша хатони белгилаб, бизга жўнатинг (Ctrl + Enter)
Фикрлар