Муроджон Аҳмадалиевнинг жанг санаси маълум бўлди

Профессионал бокснинг биринчи ярим енгил вазн тоифасида (55,3 кг) WBА ва IBF чемпиони ҳамюртимиз Муроджон Аҳмадалиев (10-0, 7КО) навбатдаги жангини WBА йўналишида мажбурий даъвогар ҳисобланган Ронни Риосга (33-3, 17КО) қарши ўтказиши белгиланган.

Sports.uz сайтига маълум бўлишича, ушбу баҳс 25 июнь куни Америка Қўшма Штатларида ўтказилиши режалаштирилган. Кечанинг асосий жангида супер ўта енгил вазнда (52,1 кг) WBC чемпиони Жесси Родригес ўз камарини Висаксил Вангеккадан ҳимоя қилса, иккинчи асосий жанг эса Хулио Сезар Мартинес ва МакУилямс Арроё ўртасида реванш бўлиб ўтади.