Музаффар Абдуллаев: Ишонч учун мухлислардан миннатдорман
Ads

Олий лиганинг 25-тур баҳслари бошланиш арафасида. Ушбу турда “Сўғдиёна” ўз майдонида Бекободнинг “Металлург” клубини қабул қилади.

Биринчи даврада бу баҳс 3:1 ҳисобида “Металлург” фойдасида якунланган эди.

Бугун икки жамоа иштирокидаги мавсумдаги иккинчи ўйиннинг гувоҳига айланамиз. Ушбу баҳс олдидан ўткан мавсумдаги “Сўғдиёна” жамоасининг “Мустаҳкам қўрғони” дея таъриф берилган ва жорий мавсумнинг иккинчи даврасида яна жиззахликлар шарафини ҳимоя қилаётган маҳоратли дарвозабон Музаффар Абдуллаев клуб матбуот хизматига интервью берди.


МУБОРАКДА ИККИ ОЧКО ЙЎҚОТДИК

“Машъал”га қарши жиддий тайёрларлик кўрган эдик. Ўйин қийин ўтишини ҳам олдиндан билар эдик. Ҳаммага маълум “Машъал ” ўз майдонида чемпионатимизнинг “ГРАНД” жамоаларини ҳам мағлубиятга учрата олган. Биз Муборакка ғалаба илинжида борган эдик. Ўйин давомида жамоадошларим бир нечта ҳавфли вазиятлар ва қарши хужумлар ташкил қилди. Ўйин давомида рақиблардан кўра голга тортадиган вазиятларни биз кўпроқ яратдик. Аммо гол уришни уддасидан чиқа олмадик. Баҳсдаги битта вазиятдан фойдалана олганимизда эди , ғалаба биз тарафда бўлар эди. Сафарда биз биз учун қимматли бўлган икки очко йўқотдик.

ҒАЛАБА ФУРСАТИ ЕТДИ

Жамоа ман учун бегона эмас. Мен айнан шу клубда Олий лигада дебют қилганман. “Сўғдиёна”га иккинчи даврада ғалабали онларига ўз ҳиссамни қўшиш учун келганман. Бу мавсумда хеч бир жамоа тўлиқ устунликда ғалаба қозона олгани йўқ. Ҳеч бир жамоа билан курашиш онсон бўлмаяпти. Иккинчи даврада ўз майдонимизда ҳали ғалаба қозона олганимиз йўқ.Аммо бу ҳолатни масум якунига қадар эттирмаслик ниятидамиз. “Металлург” кучли ва курашувчан жамоа бўлса-да,жамоадошларим билан мухлислар кутган чиройли ўйин намойиш этиб,биз учун сув ва ҳаводек зарур бўлган уч очкони қўлга қиритишга ҳаракат қиламиз.

БЎЛАЖАК ЎЙИНЛАР ОЛДИДАН……

Тўғри,мавсум давомида хатолар кўпроқ бўлди. Биз бу масумда олий лигадаги ўрнимизни сақлаб қолиб,келаси мавсумда етакчилар учун асосий бош оғриқ бўлишга ҳаракат қиламиз. Олдинда бизни бир биридан қизиқ 5 та ўйин кутмоқда. Мазкур баҳсларда ўзимиз учун керакли очколарни қўлга киритамиз деб айта оламан.

ИШОНЧ УЧУН МУХЛИСЛАРДАН МИННАТДОРМАН

Майдонда тўп тепаётган ҳар бир футболчи ғалаба қозониш учун майдонга чиқади. Шу ўринда биз ҳам. Бўлажак ўйиндан олдин мухлисларга айтмоқчиман-ки,уларнинг қўллаб-қувватлаши бизга янада куч бағишлайди. Биз доимо улар учун чиройли ўйнаб ғалаба қозонишга қаракат қиламиз ва умид қиламиз-ки, “Металлург ” билан бўлажак баҳсда мухлислармиз биз билан бирга бўлишади. Мен “Сўғдиёна” ва жиззахликларни ҳурмат қиламан. Менга билдирилган ишончлари учун миннатдорчилик билдираман.

Сўзим якунида шуни алоҳида таъкидлаб айтмоқчиман-ки,жамоамиз раҳбарияти,мураббийлари ва футболчилар учун керакли барча шароитларни яратди. Бунинг учун барча футболчилар номидан ташаккур айтмоқчиман.