MYu afsonasi "Liverpul"ning chempion deb e’lon qilinishiga qarshi chiqyapti

"Manchester Yunayted" klubi sobiq darvozaboni Peter Shmeyxel agar APLda mavsum yakunlanmasa, "Liverpul"ni chempion deb e’lon qilmaslik kerak deb hisoblaydi.

“Shubhasiz, “Liverpul” sovringa munosib, ammo uni rasmiylashtirish kerak. “Liverpul” chempion bo‘lishi uchun esa sovrinni qo‘lga kiritishi kerak. Ularning o‘rnida biron-bir jamoa chempionlikni shu tarzda qo‘lga kiritishni xohlaydimi? Agar men shu jamoada bo‘lganimda, bunga rozi bo‘lmasdim”, - deydi  daniyalik sobiq posbon.

Aytish kerakki, mersisaydliklar chempionat yakunlanishiga 9 tur qolganida 2-o‘rinda borayotgan “Manchester Siti”dan naqd 25 ochkoga ilgarilab ketishgan.