МЮ афсонаси яна жамоага қайтади

"Манчестер Юнайтед" клуби ярим ҳимоячиси Даррен Флетчер яна “қизил иблислар”  сафига қайтади. Бу ҳақда Manchester Evening News нашри хабар тарқатмоқда.

Юқоридаги манбага кўра, 36 ёшли шотландиялик футболчи 2019 йилнинг ёзида “Сток Сити”дан кетгач, ўзига жамоа тополмаётган эди. Аммо, у футболчилик фаолиятини якунлагани ҳақида маълум қилмаган.

Ҳозирча, Флетчер МЮда қандай лавозимда иш бошлаши номаълум. Клуб ҳам унинг қайтишини ҳали расман эълон қилгани йўқ.

Айтиш лозимки, Даррен Флетчер "Манчестер Юнайтед" сафида 2002-2015 йилларда тўп сурган, 223 та ўйинда майдонга тушиб, 18 та гол уришга эришган.