МЮ чемпион бўла оладими? Бунга Сульшер жавоб берди

“Манчестер Юнайтед” бош мураббийи Уле Гуннар Сульшер шогирдларининг чемпионлик учун имкониятларига баҳо берди.

- “Манчестер Юнайтед”дагиларнинг ҳаммасидан доим совринлар учун курашиш талаб қилинади. Охирги уч мавсум иккита жамоа бошқалардан анча ўзиб кетди. Мен жамоам кучая бошлаганини кўриб турибман ва ҳар қандай чақирувга тайёрмиз.

Ҳар бир учрашувда ғалабани кўзлаб майдонга тушяпмиз. Агар биз ҳар бир ўйинда ғолиб чиқсак,  совринларни олиш имконига эга бўламиз, - деди Сульшер.

Айни пайтда манчестерликлар еттинчи ўринда бормоқда ва пешқадам “Тоттенхэм” ва “Ливерпуль”дан беш очкога ортда қоляпти.