MYu chempion bo‘la oladimi? Bunga Sulsher javob berdi

“Manchester Yunayted” bosh murabbiyi Ule Gunnar Sulsher shogirdlarining chempionlik uchun imkoniyatlariga baho berdi.

- “Manchester Yunayted”dagilarning hammasidan doim sovrinlar uchun kurashish talab qilinadi. Oxirgi uch mavsum ikkita jamoa boshqalardan ancha o‘zib ketdi. Men jamoam kuchaya boshlaganini ko‘rib turibman va har qanday chaqiruvga tayyormiz.

Har bir uchrashuvda g‘alabani ko‘zlab maydonga tushyapmiz. Agar biz har bir o‘yinda g‘olib chiqsak,  sovrinlarni olish imkoniga ega bo‘lamiz, - dedi Sulsher.

Ayni paytda manchesterliklar ettinchi o‘rinda bormoqda va peshqadam “Tottenxem” va “Liverpul”dan besh ochkoga ortda qolyapti.