МЮ Доннаруммани сотиб олмоқчи

"Манчестер Юнайтед" клуби "Милан" дарвозабони Жанлуижи Доннаруммани сотиб олиш ҳақида ўйлай бошлади.

Corriere della Sera тарқатган хабарга қараганда “қизил иблислар” бу масала юзасидан 20 ёшли италиялик посбоннинг агенти Мино Райола билан боғланишган. Маълумотларга қараганда “россонерилар” ушбу футболчининг трансфери учун МЮдан 60 млн евро сўрамоқда.

Эслатиб ўтамиз, бундан аввалроқ “Милан” Чемпионлар лигасига чиқа олмагач, УЕФАнинг молиявий фейр-плей қоидаларини бузмаслик учун Доннаруммани сотиб юбориши ҳақида хабарлар тарқалган эди.

Қайд этиш лозимки, Доннарумма эндигина 20 ёш бўлишига қарамай А Серияда 142та ўйин ўтказган.