МЮ енгилмас жамоага айланиш учун Бундеслиганинг учта юлдузини трансфер қилади

“Манчестер Юнайтед” раҳбарияти юксак совринлар учун курашиш учун таркибини жиддий тарзда кучайтирмоқчи.

Манчестерликлар бунинг учун “Боруссия”нинг уч нафар етакчи футболчисини олиб келишни режалаштирган.

Инсайдерлар тарқатаётган хабарларга қараганда, Сульшер ўз шогирдлари орасида ҳимоячи Мануэль Аканжи, ярим ҳимоячи Жейдон Санчо ва ҳужумчи Эрлинг Холандни кўрмоқчи. Булар орасида норвегиялик тўпурар асосий нишон ҳисобланади.

“Манчестер Юнайтед” хўжайинлари бу трансферни амалга оширишда рокировкадан ҳам фойдаланмоқчи. Хусусан, улар дортмундликларга Англия футболида ўз ўрнини топа олмаган нидерландиялик юлдуз Донни ван де Бекни таклиф қилмоқда.

“Боруссия” раҳбарияти инглизларнинг таклифига муносабат билдиргани йўқ.