МЮ футболчилар бу мавсум чемпион бўлишларига ишонишмоқда

"Манчестер Юнайтед" Майкл Каррик бош мураббий этиб тайинлангач, кетма-кет тўртта ўйинда ғалаба қозонди. "Олд Траффорд"даги кийиниш хонасида позитив кайфият ҳукмрон. The Touchline нашри маълумотига ишонадиган бўлсак, баъзи футболчилар ва мураббийлар штаби аъзолари жамоа бу мавсумнинг ўзидаёқ Англия чемпиони бўлиш имкониятига эга эканига ишонишмоқда.

Айни пайтда "Манчестер Юнайтед" биринчи ўриндаги "Арсенал"дан 12 очко ортда қолиб, тўртинчи ўринда бормоқда. "Қизил иблислар"нинг ичида ғалаба қилишда давом этса, чўққидаги "канонирлар"га етиб олиш мумкин деган фикр бор.

Айтиш керакки, "Манчестер Юнайтед" бор эътиборини АПЛга қаратган, бошқа турнирларда жамоа ўйнамайди.

"Манчестер Юнайтед" сўнгги бор 2013 йилда Алекс Фергюсон қўл остида Англия чемпиони бўлган.