МЮ футболчиси карантинга олинди

"Манчестер Юнайтед" ярим ҳимоячиси Жесси Лингард ўз-ўзини яккалаш тартибига ўтди. Бу ҳақида жамоа бош мураббийи Уле-Гуннар Сульшер матбуот анжуманида айтиб ўтди.

"Лингард коронавирус юқтириб олган бемор билан мулоқотда бўлганлиги учун карантинга олинди," - дея таъкидлади мураббий.

Маълумот учун англиялик футболчи жорий мавсумда барча турнирларда иккита ўйинда майдонга тушди.

"Қизил иблислар" бугун оқшомда ЕЧЛ гуруҳ босқичи доирасида "Истамбул Бешекшехир" билан баҳс олиб боради.

Матнда хатолик топсангиз, ўша хатони белгилаб, бизга жўнатинг (Ctrl + Enter)