МЮ футболчиси ёзда Лондон клубига кўчиб ўтиши мумкин

Лондоннинг "Вест Хэм" клуби "Манчестер Юнайтед" ҳимоячиси Аарон Уан-Биссака атрофидаги вазиятни кузатмоқда. Football Insider хабарига кўра, "болғачилар" жорий мавсум якунида ҳам АПЛда қолса, англиялик футболчини ўз жамоасига таклиф қилишга тайёр. Дэвид Мойес бошқарувидаги жамоа эса ҳали ҳам Премьер-лигадан тушиб кетиш хавфи остида қолмоқда.

Ўз навбатида Биссака «Манчестер Юнайтед» таркибидаги рақобатда португалиялик Диогу Далотга имкониятни бой беряпти. Бундан ташқари, манкунианликлар бошқа ўнг қанот ҳимоячиси изламоқда. Бундан кўриниб турибдики, 25 ёшли футболчи мавсум якунида МЮни тарк этишга ва ўзига янги жамоа қидиришига тўғри келади.

Бундан аввалроқ, "Манчестер Юнайтед" ўз футболчиси бўйича таклифларни тинглашга тайёрлиги ҳақида хабар берилган эдик. Ван Биссака учун “Вест Хэм”дан ташқари Лондоннинг яна бир клуби – “Кристал Пелас” ҳам даъвогарлик қилмоқда.