МЮ ҳужумчиси А Серияга қайтиши мумкин

Расмус Хойлунд фаолиятини А Серияда давом эттириши мумкин.

"Corriere dello Sport" нашрининг маълумотларига кўра, МЮ 2023 йилда "Аталанта"дан 74+10 миллион еврога сотиб олган ҳужумчисидан воз кечмоқчи.

Матеус Кунья ва Бриан Мбемо трансферларидан сўнг ҳужум чизиғида рақобат кучайган бир пайтда клуб ўйинчи билан хайрлашишга тайёр.

МЮ 22 ёшли Хойлундни 45 миллион еврога баҳоламоқда. Дастлаб, клуб фақат тўлиқ сотиб олиш таклифларини кўриб чиққан. Бироқ, инглизлар энди мажбурий сотиб олиш шарти билан футболчини ижарага беришга ҳам рози.

"Ювентус" бу вариантни жиддий кўриб чиқмоқда, аммо туринликларнинг асосий мақсади ПСЖдан ижара асосида ўйнаган Рандал Коло-Муанини қайтариш бўлиб қолмоқда. Шу билан биргаликда, Хойлундга "Милан" ҳам қизиқиш билдирмоқда.

Эслатиб ўтамиз, ўтган мавсумда даниялик футболчи АПЛда 32 та ўйинда 4 та гол урган.