МЮ ҳужумчиси мухлисларга қандай ваъда берди?

"Манчестер Юнайтед" вингери Амад Диалло Европа Лигаси финалидаги мағлубиятдан сўнг жамоа мухлисларига мурожаат қилди.

Чемпионни аниқлаб берувчи учрашувда "қизил иблислар" Лондоннинг "Тоттенхэм" жамоасига минимал 0:1 ҳисобида мағлуб бўлди.

- "Тоттенхэм"ни табриклайман. "Манчестер Юнайтед" мухлисларидан узр сўрайман, лекин жамоамиз бутун кучи билан ўйнаганини ҳеч ким инкор эта олмайди. Ваъда бераманки, бундай мавсум бошқа такрорланмайди. Қўллаб-қувватлаганлари учун мухлисларга миннатдорчилик билдираман, шунча вақт биз билан бўлганингиз учун раҳмат, - дея Диалло ижтимоий тармоқларда изоҳ қолдирди.

Маълумот учун, АПЛнинг сўнгги тури олдидан "қизил иблислар" 39 очко билан жадвалда 16-ўринни эгаллаб турибди.