МЮ катта зиён кўрди

“Манчестер Юнайтед” 2023-2024 йилги мавсум бўйича молиявий ҳисоботини тақдим қилди. Унга кўра, клуб 113,2 миллион фунт миқдорида зиён кўрган. 

Эътиборли жиҳати шундаки, “Манчестер Юнайтед” қаторасига беш йилдан бери мавсумни катта зарар билан ёпяпти. 
Хусусан, клуб 2023 йилни 28,7 миллион фунт, 2022 йилни эса 115,5 миллион фунт молиявий зарар билан якунлаган. Умумий ҳисобда, манчестерликлар беш йилда 370 миллион фунтдан ортиқ манфий кўрсаткич қайд этди. 

Шунга қарамай, “Манчестер Юнайтед”нинг ўтган мавсумда ишлаб топан пули рекорд даражага чиқди ва 661,8 миллион фунтни ташкил қилди. Бу маошлар фондини 10 фоизга кўтариб, 364,7 миллион фунтгача ошириш имконини берди.