МЮ "Лион"га 50 миллионлик таклиф тайёрлади

"Лион" ҳужумчиси Мусса Дембеле фаолиятини "Манчестер Юнайтед"да давом эттириши мумкин, дея Foot Mercato хабар бермоқда.

Англия клуби скаутлари 23 ёшли футболчини кузатиш учун Франция кубоги доирасида "Нант" билан учрашувга ташриф буюришган. Ушбу ўйинда Дембеле битта гол киритишни уддалади.

Манбага кўра, МЮ ҳужумчи трансфери учун 50 миллион евролик таклиф тайёрлаб қўйди. Манкунианликлар ушбу трансферни Маркус Рэшфорднинг жароҳати сабаб амалга оширишга қарор қилишган.

Маълумот учун, Дембеле "Лион" таркибида жорий мавсумда Франция чемпионати доирасида 19 та ўйинда 11 та гол киритган.