МЮ португалиялик юлдуз учун 3 футболчисидан воз кечмоқчи

"Манчестер Юнайтед" "Милан"нинг қанот ҳужумчиси Рафаэль Леауга қизиқиш билдирмоқда. "Қизил иблислар" португалиялик вингерни трансфер қилиш бўйича келишувга ҳужумчилар Жошуа Зиркзее ва Маркус Рэшфорд, шунингдек, ярим ҳимоячи Мануэл Угартеларни киритишга тайёр. Бу ҳақда TEAMtalk хабар бермоқда.

Манба маълумотларига кўра, учала футболчининг ҳам потенциал келишувда иштирок этиши даргумон, бироқ "Милан"га улардан қайси бирини сотиб олиш бўйича танлов берилиши мумкин. Таъкидланишича, агар келишувда Зиркзеэдан фойдаланилса, Манкунианлар тахминан 20 миллион евро қўшимча тўлайди.

Рэшфорд 40 миллион еврога баҳоланмоқда, шунинг учун "Манчестер Юнайтед" "россонери"га кўп пул тўлаши шарт эмас. Бироқ, унинг маоши йилига 10 миллион еврони ташкил этади - бу миқдорни Милан клуби қоплашга тайёр эмас.

Жорий мавсумда Леау барча мусобақаларда 28 та ўйинда иштирок этиб, 10 та гол урди ва 3 та голли узатмани амалга оширди. Футболчининг клуб билан амалдаги меҳнат шартномаси 2028 йилнинг ёзигача мўлжалланган.