МЮ раҳбарияти Де Хеани жамоада олиб қолиш йўлини топган кўринади

"Манчестер Юнайтед" клуби дарвозабон Давид Де Хеа билан шартномани узайтиришга яқин турипти, - деб хабар берди "Sky Sports".

Манбанинг маълум қилишича, клуб раҳбарияти испаниялик дарвозабонни олиб қолиш учун унга янги шартнома таклиф қилмоқчи. Де Хеанинг амалдаги шартномасига кўра ҳафтасига 240 минг фунт стерлинг олади. Янги шартноманинг шартларига кўра, испаниялик посбон ҳафтасига 415 минг фунт стерлинг олиши белгилаб қўйилган. Бу уни дунёнинг энг кўп маош олувчи дарвозабонига айлантиради. Амалдаги шартномага кўра Де Хеа 2020 йилнинг ёзига қадар клуб дарвозасини ҳимоя қилиши керак.

Ўтган мавсум Давид Де Хеа МЮ сафида 38 та ўйинда майдонга тушган. Давидга ПСЖ томонидан қизиқиш мавжуд.