МЮ “Реал”нинг икки юлдузидан бирини танлайди

“Манчестер Юнайтед” кейинги йилларда “Реал”дан ўйинчи олиш амалиётини қўллаб келмоқда. Хусусан, манчестерликлар “Қироллик клуби”дан ҳимоячи Рафаэль Варан ва ярим ҳимоячи Каземирони трансфер қилган.

Энди Англия гранди мадридликлардан яна ўйинчи олмоқчи.

Todofichajes нашрига кўра, “Манчестер Юнайтед” раҳбарияти таянч ҳудудда Каземиронинг ўрнини эгаллаши мумкин бўлган Орельен Тчуамени ва Эдуардо Камавингани трансфер қилиш имкониятини ўрганиб чиқмоқда.

Клуб мутасаддилари қайси футболчини жамоага мос келади, деб ҳисобласа, манчестерликлар “Реал”га бу трансфер учун 80 миллион евро миқдорида бадал пули таклиф қилади.