МЮ Рэшфорга нарх белгилади. "Барселона" раҳбари эса футболчига шубҳа билан қарамоқда

"AS" нашрининг ёзишича, Маркус Рэшфорднинг келажаги номаълумлигича қолмоқда. "Манчестер Юнайтед" бош мураббийи Рубен Аморим уни ўз режаларига киритмаяпти. Буни англиялик футболчининг 10-рақами ҳам кўрсатади — у яқинда жамоага қўшилган Матеус Куньяга берилди.

Клуб ҳозирча футболчига чегирма қилмоқчи эмас — МЮ Рэшфордни 48 миллион еврога баҳолаяпти.

Футболчининг ўзи эса "Барселона"га ўтишни хоҳлаяпти. Унинг трансферига жамоа бош мураббийи Ханс-Дитер Флик аллақачон розилик бер. Аммо клубнинг спорт директори Деку бу вариантига шубҳа билан қарайди. Унинг асосий мақсади Нико Уильямс эди, аммо у "Атлетик"да қолишни танлади. Бу эса "Барса"ни Рэшфорд вариантига яқинлаштирмоқда. Шунингдек, каталонияликлар "Ливерпуль" вингери ҳисобланган Луис Диас атрофидаги вазиятни ўрганмоқда.