МЮ Санчони бошқа ижарага бермайди!

"Манчестер Юнайтед" раҳбарияти жамоа вингери Жейдон Санчони бошқа ижарага бермоқчи эмас. Эрик тен Хаг билан можаро туфайли 24 ёшли футболчи ўтган мавсумнинг биринчи ярмида жамоадаги ўрнини йўқотган, январда эса ўйин амалиёти учун Дортмунднинг "Боруссия"сига ижарага берилганди.

Немис гранди англиялик футболчини сотиб олишга қизиқиш билдиришган, бироқ “Манчестер Юнайтед” футболчига тахминан 45-50 миллион евро  маблағ сўрашидан чўчиган. Шу билан бирга, журналист Патрик Бергернинг сўзларига кўра, “қизил иблислар” раҳбарияти Санчони яна ижарага бериш вариантларини кўриб чиқмайди. Улар футболчини фақат тўлиқ трансфер қилиши мумкин.

Жейдон Санчо яқинда Эрик тен Хаг билан ўзаро келишмовчиликни бартараф этишга муваффақ бўлди, аммо футболчининг жамоада қолиши ҳали ҳам сўроқ остида. Унга "Ювентус" ҳам қизиқиш билдирмоқда.