МЮ скаутлари "Аталанта" футболчиларини кузатиб боришмоқда

Англиянинг "Манчестер Юнайтед" клуби скаутлари ўтган дам олиш кунлари бўлиб ўтган "Милан" – "Аталанта" учрашувида кузатилган. Бу ҳақда "Quotidiano Sportivo" нашри хабар берди.

Манбага кўра, скаутлар "Аталанта" сафидаги уч нафар футболчини — Адемола Лукман, Матео Ретеги ва Эдерсонни кўздан кечиришган. Учрашувдаги ягона гол муаллифи бўлган Эдерсон энг катта таассурот қолдирган. У "Манчестер Юнайтед" кучайиши мумкин бўлган номзодлар рўйхатига Лиам Делап ва Матеус Кунья билан бирга киритилган. Ҳозирда Лукман ва Ретегини сотиб олиш масаласи иккинчи даражадаги вариант сифатида кўрилмоқда.

Жорий мавсумда марказий ярим ҳимоячи сифатида тўп сураётган 25 ёшли Эдерсон 44 ўйинда майдонга тушиб, 5 та гол урган ва 2 та голли узатма берган.