МЮ собиқ футболчиси ПСЖга ўтиши мумкин

"Лион" ҳужумчиси Мемфис Депай ёзги трансфер ойнаси вақтида клубини алмаштириши мумкин, дея хабар бермоқда француз нашрлари.

Таъкидланишича, 26 ёшли нидерландиялик футболчи хизматларига "Пари Сен-Жермен" клуби қизиқиш билдирмоқда.

Олдинроқ, лионликлар раҳбарияти форвард учун янги келишув таклиф қилишни режалаштираётгани хабар қилинган эди.

Жорий мавсумда Депай Франция биринчи дивизионида "Лион" либосида 13 та ўйинда майдонга тушиб, 9 та гол киритди.