МЮ собиқ юлдузини ортга қайтариши мумкин

"Наполи" етакчиларидан бири Скотт Мактоминей, собиқ жамоаси "Манчестер Юнайтед"га қайтиши мумкин.

Хабарларга кўра, "қизил иблислар" клуб тарбияланувчиси бўлган футболчини ортга қайтариш вариантини кўриб чиқмоқда. Бироқ Манчестер клубига "Ньюкасл" ва "Тоттенхэм" жамоалари ҳам рақобат қилиши кутилмоқда. Бундан ташқари, Каталониянинг "Барселона"си ҳам шотландиялик футболчига кўз тикган. Мактоминей ўтган мавсум Италия А Сериясининг энг яхши футболчиси деб топилган эди. 

Маълумот учун, 28 ёшли футболчи жорий мавсумда барча турнирларда умумий 14 та учрашувда майдонга тушиб, 4 та гол урди ва битта голли узатмани амалга оширди.