МЮ Сульшерга янги футболчилар сотиб олиши учун қанча маблағ ажратади?

"Манчестер Юнайтед" клуби раҳбарияти жамоа бош мураббийи Уле-Гуннар Сульшерга мавсумлар оралиғида таркибни кучайтириш учун 200 миллион фунт (тахминан 230 миллион евро) ажратади. Бу ҳақда Mirror нашри хабар бермоқда.

Унга кўра норвегиялик мутахассис ушбу пулларга Жейдон Санчо (“Боруссия Д”), Каллум Хадсон-Одои (“Челси”) ва Деклан Райсларни (“Вест Хэм”) сотиб олишни режалаштирмоқда. Бироқ, МЮ хўжайини Эд Вудворд жамоага “Вест Хэм” футболчисидан кўра Калиду Кулибали (“Напол”) ёки Рафаэль Варандан (“Реал”) бирини олиб келмоқчи.

Эслатиб ўтамиз, Уле-Гуннар Сульшер “Манчестер Юнайтед”ни 2018 йилнинг декабридан буён бошқариб келмоқда. У яқиндагина жамоа билан тўлақонли шартнома имзолади.