МЮ топган ҳужумчи жамоага шарт қўйди

"Манчестер Юнайтед" ҳужум чизиғини кучайтириш мақсадида "Брайтон" футболчиси Каору Митома билан шартнома имзолашни режалаштирмоқда. Бу ҳақда "ТЕАМtalk" нашри маълум қилди. 

Манба маълумотига кўра, япониялик ҳужумчи "қизил иблислар" сафида асосий таркибдан жой кафолатланса ўтишга тайёрлигини маълум қилган. МЮ Митомани жамоага кўпроқ фойда келтиради деб ҳисобламоқда. 

28 ёшли футболчининг ҳозирда "трансфермаркт" порталидаги нархи 30 миллион еврони ташкил этади. Унинг клуб билан амалдаги шартномаси 2030 йилнинг ёзида якунига етади.

Маълумот учун, вингер жорий мавсум "чайкалар" сафида 12 та учрашувда майдонда ҳаракат қилди. Шу беллашувларда у 2 та гол ва 1 та голли узатмани амалга оширишга эришди.