“МЮ” устози “Ростов” кийиниш хонасига кириб, Бердиевга совға берди (Видео)

“Манчестер Юнайтед” жамоаси бош мураббийи Жозе Моуриньо “Ростов”га қарши кечган ва “қизил иблислар”ни чорак финалга олиб чиққан ўйиндан кейин рақиб кийиниш хонасига борди.

• Моуриньо нима учун Рохога банан берганини ошкор қилди

Португалиялик мутахассис у ерда “Ростов” маслаҳатчиси Қурбон Бердиевга совға берди. Моуриньонинг айтигича, Ростов-Донда кечган ўйинда унга ҳам ажойиб совға беришган.

“Ростов-Донда менга ажойиб совға қилишганди. Шунинг учун мен ҳам жавоб қайтаришим керак эди. Бердиев билан аввалдан танишмиз. “Интер”ни бошқарганимда унинг “Рубин” клуби билан ўйнаганмиз. У хушмуомала ва яхши инсон”, – деди Моуриньо.

Португалиялик мутахассис Бердиевга нима совға қилгани номаълумлигича қолди.