МЮ ва "Арсенал"ни тортаётган футболчилар, "Челси" сотиб олган жаҳон чемпиони ва украиналик футболчи. АПЛда нархи энг кўп ошган футболчилар эълон қилинди

Футбол трансферлари ҳақидаги нуфузли ресурс - Transfermarkt портали Англия Премьер-лигаси футболчиларининг янгиланган нархини эълон қилди. Портал янгиланган рейтингда нархи энг кўр ошган футболчилар рўйхатини ҳам маълум қилди.

Ушбу рейтингнинг биринчи поғонасидан "Челси"нинг қишки трансферларда харид қилган янги футболчиси Энцо Фернандес жой олди. Аргентиналик ёш юлдузнинг нархи 30 миллион еврога кўтарилиб, ҳозирда 85 миллионга етди. Иккинчи ўринда “Манчестер Юнайтед” ҳужумидаги асосий куч Маркус Рэшфорд қайд этилди. Англиялик футболчининг нархи 25 миллионга кўтарилди ва ҳозирда 80 миллион еврога етди. Худди шунингдек, “Арсенал” сардори Мартин Эдегорнинг трансфер нарзи ҳам 20 миллионга қимматлаб, 80 миллионга чиққан.

Тўртинчи ўрин "Челси"нинг яна бир янги футболчиси Михаил Мудрикга тегишли. Украиналик футболчининг нархи 20 миллион еврога ошган, натижада у энди 60 миллионга баҳоланмоқда. Бешинчи ўринга "Манчестер Юнайтед"нинг ёш ярим ҳимоячиси Алехандро Гарначо лойиқ кўрилди.  У ҳам 20 миллионга қимматлашди ва ҳозирда унинг трансфери 25 миллион туради.