МЮ ва "Челси"нинг "ишқи" бир футболчига тушди

"Рома" клуби ярим ҳимоячиси Никола Дзаньоло фаолиятини Англия премьер-лигасида давом эттириши мумкин. Бу ҳақда Il Messagero нашри хабар тарқатмоқда.

Юқоридаги манбага кўра, 21 ёшли италиялик футболчининг хизматларига "Манчестер Юнайтед" ва "Челси"дан жиддий қизиқишлар пайдо бўла бошлаган. Ушбу трансфер эса 30 миллион еврога баҳоланмоқда.

Ўз навбатида, "Рома" раҳбарияти жамоанинг етакчи аъзоларидан бирини қўйиб юборишни режалаштирмаяпти. Шу сабабли, уни таркибда сақлаб қолиш учун барча ишларни амалга оширмоқчи.

Дзаньоло тиззасидан олган жиддий жароҳат туфайли жорий мавсум бирорта ҳам ўйинда майдонга тушгани йўқ. У 2018 йилдан буён “Рома” сафида тўп суриб келмоқда. Бунгача у “Интер” сафида ўйнаган.