МЮ ва "Лацио" Милинкович-Савичнинг бонуси масаласида бир қарорга кела олишмаяпти

“Лацио” ва “Манчестер Юнайтед” клублари сербиялик ярим ҳимоячи Сергей Милинкович-Савичнинг трансфери борасида якуний келишувга эриша олишмаяпти.

Football Italia нашри тарқатган хабарга кўра “қизил иблислар” ушбу футболчи учун римликларга 75 млн ва унга қўшимча яна 15 млн евро бонус беришмоқчи. Бироқ, МЮ ушбу бонусни жамоа жиддий ютуқларни қўлга киритган тақдирдагина тўлашни мақсад қилган. Масалан Чемпионлар лигасида ғолиб бўлса. Ўз навбатид “Лацио” эса бонуслар нисбатан осонроқ, масалан футболчининг майдонда ҳаракат қилган учрашувларига ва шахсий натижаларига қараб тўланишини хоҳламоқда.

Айтиш лозимки, агар МЮ Милинкович-Савич билан шартнома имзолашга муваффақ бўлса, Поль Погбани “Реал”га қўйиб юбориши мумкин.