МЮ ва "Ливерпуль" битта футболчи учун курашмоқда

"Вулверхэмптон" ҳужумчиси Матеуш Маненинг хизматларига АПЛнинг икки гранди қизиқиш билдирмоқда. Бу ҳақда "Sports Boom" нашри маълум қилди.

Манба маълумотига кўра, 18 ёшли форвардни "Ливерпуль" ва "Манчестер Юнайтед" жамоалари ўз сафига қўшиб олишга уринмоқда. Маълум бўлишича, "бўрилар" Мане учун 50 миллион фунт нарх белгилаб қўйган.  Аввалроқ, ҳужумчига Лондоннинг “Челси” клуби қизиқиш билдираётгани ҳақида хабарлар чиққан эди.

Англиялик футболчининг айни вақтда "трансфермаркт" порталидаги нархи 250 минг еврони ташкил этади. Унинг клуб билан амалдаги шартномаси 2029 йилнинг ёзигача мўлжалланган.

Маълумот учун, Мане жорий мавсум АПЛда 13 та учрашувда майдонга тушиб, 2 та гол киритди ва 2 та голли узатма амалга оширди.