МЮ "Ювентус" юлдузини нишонга олди
"Ювентус" футболчиси Кенан Йилдизнинг хизматларига "Манчестер Юнайтед" қизиқиш билдирмоқда. Бу ҳақда инглиз ОАВлари маълум қилди.
Манбада берилган маълумотга кўра, "қизил иблислар" туркиялик вингер билан ҳужум чизиғини кучайтиришни мақсад қилган. МЮ ёзда Турин клуби билан Йилдизнинг трансфери бўйича музокаралар ўтказишни режалаштирмоқда.
20 ёшли футболчининг айни вақтда "трансфермаркт" порталидаги нархи 75 миллион еврони ташкил этади. Унинг клуб билан амалдаги шартномаси 2029 йилнинг ёзигача мўлжалланган.
Маълумот учун, Кенан жорий мавсум Италия клуби сафида 30 та учрашувда майдонга тушишга эришди. Шу беллашувларда у 9 та гол киритди ва 8 та голли узатма амалга оширган.
Фикрлар