МЮда Санчонинг альтернативи тайёр

"Манчестер Юнайтед" раҳбарияти ёзда ҳужумкор ярим ҳимоячи хариди бўйича иш олиб боришга тайёргарлик кўрмоқда.

"Қизил иблислар"нинг асосий нишони "Боруссия Дортмунд" хавбеки Жейдон Санчонинг трансфер баҳоси юқори бўлганлиги учун клуб захира вариантларини топиб қўйган.

Sport.es нашри маълумотига кўра, агар Санчонинг трансфери бўйича "асаларилар" билан келишув амалга ошмаса, унда МЮ "Вулверхэмптон" ярим ҳимоячиси Адама Траорени қўлга киритишга уриниб кўради. Ушбу футболчи манкунианликлар учун 80 миллион еврога тушиши мумкин.

Иккинчи альтернатив эса "Реал" хавбеки Хамес Родригес. "Қаймоқранглилар" мураббийлар штаби билан келиша олмаётган колумбиялик футболчининг трансфери 25 миллион еврога баҳоланмоқда.

Матнда хатолик топсангиз, ўша хатони белгилаб, бизга жўнатинг (Ctrl + Enter)